Policia jep detaje për aksidentin që e shkaktoi minstrja Hajdari

Policia e Kosovës sot dha detaje lidhur me aksidentin që e shkaktoi dje ministrja e Industrisë, Ndërmarrësisë dhe Tregtisë, Rozeta Hajdari.

Policia informoi se dje në rrugën Vicianum, në Prishtinë, një e dyshuar femër kosovare përderisa ishte duke drejtuar veturën, goditi viktimën mashkull kosovar.

“Viktima ka pranuar tretman mjekësor.”, bëri të ditur Policia. Ndërkohë, ministrja e Industrisë, Ndërmarrësisë dhe Tregtisë, Rozeta Hajdari ka informuar se një fëmijë është përplasur në veturën e saj.

Ajo ka potencuar se ka reaguar menjëherë, derisa ka njoftuar se pas ekzaminimeve mjekësore, fëmija nuk ka pësuar lëndime të rënda dhe është kthyer në shtëpi.