Xhama te thyer, dyer të shqyera e karrige përmbys, pamje nga selia e PD

Kronika
Nga Kronika 8 Janar, 2022 13:51

Xhama te thyer, dyer të shqyera e karrige përmbys, pamje nga selia e PD

Mbështësit e Berishës janë larguar tashmë nga selia e PD-së duke iu drejtuar kryeministrisë, ndërkohë që policia ka vënë rendin rreth kësaj godine.

Përplasja aty ndodhi për të paktën dy orë, ku mbështetësit e Berishës përdoren edhe mjete të rënda si varre për shqyerjen e dyerve.

Siç shihet edhe nga pamjet nga brenda selisë së PD-së, dëmet janë të konsiderueshme nga ajo që ka ndodhur.

Më herët, policia nisi një operacion të gjerë për largimin e mbështetësve të ish-kryeministrit Berisha nga selia e Partisë Demokratike.

Fillimisht është ndërhyrë nga pjesa lindore e saj duke hedhur ujë dhe gaz lotsjellës duke bërë të mundur nxjerrjen e tyre në perimetrin e jashtëm të selisë, ndërsa është marrë nën kontrolle dhe vetë godina.

Më pas, policia ka ndërhyrë edhe nga pjesa që lidh rrugën “Xhorxh Bush” me unazën e Tiranës, duke hedhur ujë dhe gaz lotsjellës në drejtim të mbështetësve të Berishës.

Këta të fundit janë larguar bashkë me Berishën, i cili u pa më herët me një maskë kundër gaz në shkallët pranë selisë së PD-së për të vijuar më pas marshimin në drejtim të kryeministrisë.

Kronika
Nga Kronika 8 Janar, 2022 13:51